Contact Information
We Are Available 24/ 7. Call Now.

සතොස ආයතනයේ සිදුවූ වංචා සිද්ධියට අදාළ ලේඛන හා ඉඩම් ඔප්පු තොගයක් සම්බන්ධ සිද්ධියේ අදාළ ඉඩම හිටපු අමාත්‍ය රිෂාඩ් බදියුදීන් ගේ බිරිදට අයත් එකක් බව අපරාධ පරීක්ෂණ දෙපාර්තමේන්තුව අද ගල්කිස්ස ප්‍රධාන මහේස්ත්‍රාත් මොහොමඩ් මිහාල් මහතා වෙත කරුණු වාර්තා කර සිටියා.

ඒ අනුව හිටපු ඇමති රිෂාඩ් බදියුදීන්ගේ බිරිඳ වන එම්.එම්.අයිෂා යන අයගෙන් ඉදිරි සතිය තුළ මෙම සිද්ධියට සම්බන්ධයෙන් ප්‍රකාශයක් සටහන් කර ගැනීමට බලාපොරොත්තු වන බවට අපරාධ පරීක්ෂණ දෙපාර්තමේන්තුව අධිකරණයට අද දැනුම් දුන්නා.

අපරාධ පරීක්ෂණ දෙපාර්තමේන්තුවේ නියෝජ්‍ය පොලිස්පති නුවන් වෙදසිංහ සහ එම දෙපාර්තමේන්තුවේ අධ්‍යක්ෂ ඩබ්.තිලකරත්න වෙත ලද බුද්ධි තොරතුරකට අනුව අධිකරණයෙන් ලබාගත් සෝදිසි වරෙන්තුවක් ප්‍රකාරව මෙම වැටලීම සිදුකර තිබුණා.

එම ඉඩමේ සිටි සැකකාර මොහොමඩ් ඉම්රාන් ද නැමැත්තා අධිකරණය වෙත ඉදිරිපත් කර තිබූ අතර සැකකරු ලබන 28 වැනිදා දක්වා රක්ෂිත බන්ධනාගාර ගත කිරිමට මහේස්ත්‍රාත්වරයා නියෝග කළා.

Share:

Leave a Reply

Your email address will not be published. Required fields are marked *